“𝐏𝐎𝐒 အတွက် အတွေးများပြီး အရွေးမှားတတ်တဲ့ အချက်(၅)ချက်”

ကိုယ့်လုပ်ငန်းအတွက် 𝐏𝐎𝐒 𝐬𝐲𝐬𝐭𝐞𝐦 သုံးတော့မယ်ဆို သေချာစဥ်းစားရတာကတစ်မျိုး၊ ရွေးချယ်ပြီးခါမှ အမျိုးမျိုးသော အဆင်မပြေမှုတွေ ရှိလာလို့ ခေါင်းခဲရတာက တစ်ဖုံ။ အပြောချိုချို အဟောပိုပိုတွေကြောင့် အတွေးများပြီး အရွေးမှားတာမျိုး ရှိလာရင် စိတ်ညစ်ရပြန်ရော…

ဒါကြောင့် ဒီနေ့ပြောပြပေးချင်တာက 𝐏𝐎𝐒 𝐬𝐲𝐬𝐭𝐞𝐦 ရွေးချယ်ရာမှာ မှားတတ်တဲ့ အမှားလေးတွေနဲ့ ဆင်ခြင်သင့်တာလေးတွေကို ပြောပြပေးချင်ပါတယ်ရှင့်။

 

(၁): လုပ်ငန်းလိုအပ်ချက် တိကျမှု အားနည်းခြင်း

ကိုယ့်လုပ်ငန်းအမျိုးအစားပေါ်မူတည်ပြီး(ဥပမာ- 𝐁𝐚𝐫&𝐑𝐞𝐬𝐭𝐚𝐮𝐫𝐚𝐧𝐭/𝐃𝐞𝐥𝐢𝐯𝐞𝐫𝐲 𝐬𝐞𝐫𝐯𝐢𝐜𝐞/𝐏𝐡𝐚𝐫𝐦𝐚𝐲 𝐬𝐭𝐨𝐫𝐞) 𝐏𝐎𝐒 𝐬𝐨𝐟𝐭𝐰𝐚𝐫𝐞 နဲ့ 𝐇𝐚𝐫𝐝𝐰𝐚𝐫𝐞 အသုံးပြုမှုတွေ ကွာခြားနိုင်ပါတယ်။ 𝐈𝐧𝐯𝐞𝐧𝐭𝐨𝐫𝐲 𝐦𝐚𝐧𝐚𝐠𝐞𝐦𝐞𝐧𝐭 ပိုင်း၊ 𝐂𝐮𝐬𝐭𝐨𝐦𝐞𝐫 𝐑𝐞𝐥𝐚𝐭𝐢𝐨𝐧𝐬𝐡𝐢𝐩 𝐌𝐚𝐧𝐚𝐠𝐞𝐦𝐞𝐧𝐭 ပိုင်း နဲ့ 𝐄𝐦𝐩𝐥𝐨𝐲𝐞𝐞 𝐌𝐚𝐧𝐚𝐠𝐞𝐦𝐞𝐧𝐭 ပိုင်းတွေမှာ အကြီးစားသုံးချင်တာပဲဖြစ်ဖြစ်၊ စဥ်ဆက်မပြတ် ဝန်ဆောင်မှုပေးရင်း 𝐫𝐞𝐜𝐞𝐢𝐩𝐭 တွေ လျင်လျင်မြန်မြန် ထုတ်ချင်တာပဲဖြစ်ဖြစ်၊ လိုအပ်ချက်အတိုင်း အပိုအလိုမရှိ ကွက်တိအသုံးချနိုင်မှသာ အဆင်ပြေနိုင်မှာ ဖြစ်ပါတယ်။

 

(၂): ဈေးနှုန်းချိုသာမှုကို အလေးပေးမိခြင်း

ဘတ်ဂျက်သက်သာတယ်ဆိုတိုင်းလည်း ကောင်းနေတယ်လို့ တရားဝင်မယူဆထားသင့်ပါဘူး။ 𝐒𝐨𝐟𝐭𝐰𝐚𝐫𝐞(သို့) 𝐝𝐞𝐯𝐢𝐜𝐞 တွေ ဝယ်ယူတဲ့အခါ ဈေးနှုန်းတန်တယ်ဆိုတိုင်း အရည်အသွေးမမှန်နိုင်တာကို သတိချပ်ဖို့ လိုပါလိမ့်မယ်။ ကိုယ့်ကို 𝐬𝐞𝐫𝐯𝐢𝐜𝐞 𝐩𝐫𝐨𝐯𝐢𝐝𝐞𝐫 ဘက်ကနေ 𝐬𝐨𝐟𝐭𝐰𝐚𝐫𝐞 𝐟𝐞𝐞𝐬 အပြင် နောက်ဆက်တွဲ ရှိလာနိုင်မဲ့ (𝐬𝐮𝐛𝐬𝐜𝐫𝐢𝐩𝐭𝐢𝐨𝐧 𝐟𝐞𝐞𝐬 & 𝐭𝐫𝐚𝐧𝐬𝐚𝐜𝐭𝐢𝐨𝐧 𝐟𝐞𝐞𝐬) လိုဟာမျိုးတွေကို တိတိကျကျ ရှင်းပြပေးတာမျိုး ရှိ/မရှိ ဆိုတာကိုလည်း သိထားဖို့ လိုအပ်ပါတယ်။

.
(၃): အသုံးပြုရလွယ်ကူမှုပိုင်းကို သတိလွတ်ခြင်း

အပေါ်ကအချက်တွေထိ အဆင်ပြေပြီးလို့ အသုံးပြုဖို့လုပ်ခါမှ 𝐬𝐨𝐟𝐭𝐰𝐚𝐫𝐞 ပိုင်းက 𝐮𝐬𝐞𝐫-𝐟𝐫𝐢𝐞𝐧𝐝𝐥𝐲 ဖြစ်မနေတတ်တာမျိုး ကြုံရနိုင်ပါတယ်။ ဘယ်လောက်ပဲ အဆင်ပြေကောင်းနေပါစေ၊ ကိုယ့်ဝန်ထမ်းတွေအတွက် အသုံးပြုရခက်ခဲစေတာ၊ အသားကျဖို့ အချိန်အတော်ယူရတာမျိုးနဲ့ 𝐬𝐞𝐫𝐯𝐢𝐜𝐞 𝐩𝐫𝐨𝐯𝐢𝐝𝐞𝐫 ဘက်က တိကျတဲ့ 𝐭𝐫𝐚𝐢𝐧𝐢𝐧𝐠 တွေ လုံလုံလောက်လောက် ပေးဖို့အားနည်းတာမျိုးတွေလည်း ရှိနေနိုင်ပါတယ်။ ဒါကြောင့် လက်လွတ်စပယ် ပစ်မထားသင့်ဘဲ အမြဲသတိပြု စစ်ဆေးနေဖို့ လိုအပ်ပါတယ်။

 

(၄): 𝐀𝐟𝐭𝐞𝐫 𝐒𝐚𝐥𝐞 𝐬𝐞𝐫𝐯𝐢𝐜𝐞 ပိုင်း အားရစရာမရှိနေခြင်း

ကိုယ်လုပ်ငန်းက ဆက်တိုက် ဝန်ဆောင်မှုတွေပေးနေရတဲ့အချိန်မှာ မတော်တဆ 𝐞𝐫𝐫𝐨𝐫 တစ်စုံတစ်ခု တက်ခဲ့ရင် ချက်ချင်း 𝐩𝐫𝐨𝐯𝐢𝐝𝐞𝐫 ဘက်ကို ဆက်သွယ်နိုင်ဖို့ အရေးကြီးပါတယ်။ တစ်ဖက် 𝐬𝐞𝐫𝐯𝐢𝐜𝐞 𝐭𝐞𝐚𝐦 က လာဖြေရှင်းပေးတဲ့အပိုင်းမှာအရမ်း 𝐝𝐞𝐥𝐚𝐲 ဖြစ်တတ်တာ၊ 𝐒𝐞𝐫𝐯𝐢𝐜𝐞 𝐭𝐢𝐦𝐞 က လိုတာထပ်ပိုပြီး ကြာနေတတ်တာတွေက ကိုယ့်လုပ်ငန်းပိုင်းလည်ပတ်မှုတွေကို ထိခိုက်နိုင်ပါတယ်။

 

(၅): ယုံကြည်စိတ်ချရမှု ခိုင်မာချက်မရှိခြင်း

ကိုယ်သုံးနေတဲ့ 𝐬𝐨𝐟𝐭𝐰𝐚𝐫𝐞 ပိုင်းနဲ့ ပတ်သတ်တဲ့ တိကျတဲ့ရှင်းလင်းချက်တွေကို 𝐬𝐞𝐫𝐯𝐢𝐜𝐞 𝐩𝐫𝐨𝐯𝐢𝐝𝐞𝐫 ဘက်က တာဝန်ယူမှု၊တာဝန်ခံမှုပိုင်း ခိုင်မာနေဖို့ လိုအပ်ပါတယ်။ 𝐒𝐨𝐟𝐭𝐰𝐚𝐫𝐞 အပြင်ကိုမှ တွဲသုံးမဲ့ 𝐝𝐞𝐯𝐢𝐜𝐞 တွေရဲ့ 𝐪𝐮𝐚𝐥𝐢𝐭𝐲 ပိုင်းက အရည်သွေးပြည့်မီနေဖို့လည်း အရေးကြီးပါတယ်။

အခုဖော်ပြသွားခဲ့တာတွေကတော့ 𝐏𝐎𝐒 𝐬𝐲𝐬𝐭𝐞𝐦 ရွေးချယ်ရာမှာ မှားတတ်တဲ့အမှားလေးတွေနဲ့ ဆင်ခြင်သင့်တာလေးတွေပဲဖြစ်ပါတယ်။ ဒီအချက်လေးတွေ သေချာချင့်ချိန်ပြီး စိစစ်ရွေးချယ် အသုံးပြုနိုင်မယ်ဆိုရင်‌တော့ ကိုယ့်လုပ်ငန်းပိုင်း နှောင့်နှေးကြန့်ကြာပြီး ဆုံးရှုံးနစ်နာမှုတွေကို ရှောင်ရှားနိုင်ပါလိမ့်မယ်။